海豚與我

今日係我既生日, 免費來到海洋公園玩

一路以來我都好想好想摸下海豚, 我等呢一日等到頸都長, 去之前又要諗下點樣可以吸引到訓練員既注意, 係咪要等職員問邊個想同海豚玩既時候起勢咁舉手, 佢地先會見到我, 揀我去同海豚玩呢......

海洋劇場於3:30分開始, 我地3:10就入去坐定定...

今日真係勁多人呀, 全場坐滿5,000人, 我心諗: 咁多人, 無希望架啦!!

於是祈禱祈禱, 希望一陣揀我啦揀我啦...我真係好想同海豚玩呀....





到3:15, 劇場還未開始之前, 有一段音樂表演

就響呢個時候, 突然有位訓練員走過黎問我地有無興趣同海豚海獅一齊玩, 向觀眾表演一下....

嘩, 我真係求之不得, 勁開心, 勁感恩呀

簡直係unbelievable, unforgettable!!!



後來訓練員帶我入後台, 教我一連串要表演既動作.....

我心情真係極度興奮, 5,000人入面邀請左我同海豚表演, 真係勁難得, 我男友都有份同海獅玩遊戲呀

出場啦...... 出場啦......

先同海豚握握手!

掂到喇掂到喇, 海豚企到好高呀, 訓練員都話佢今日好乖呀

之後就要跳扭扭舞, 我平時都成日跳比Moecca睇架

海豚見到我扭, 個頭就左右搖架喇

我終於摸到喇, 好滑好實賓賓既橡皮呀

今日真係好開心, 好幸運, 好難忙,  心情到宜家都仲係好興奮....

而且, 今日仲實現左另一件同樣令我好開心既事情

海洋公園.....I / WE LOVE YOU SO MUCH