對於Yahoo Blog即將提升至全新平台, 我實在十萬個不願意.....
早前Yahoo Blog已經常出現問題, 我記得曾經每一次留言都要入驗證碼, 都一段時間先整番好!
我真係對Yahoo Blog無咩信心, 今次又黎個全新平台, 我即刻膽戰心驚咁click入去睇下搞咩......
睇完絕對係心灰意冷:
1. 竟然唔可以再用CSS語法整靚版Blog, 之前所學既語法前功盡廢, 果度花左我好多心血架, 呢個係最最最嚴重既致命傷
2. 沒有表情符號, 淨係得文字, 咁點表達呀
3. 無得播音樂, 好多Blogger既Blog有音樂陪襯架麻, 宜家靜英英
4. 無得自己加插欄位, 咩都set好唒, 無新意, 更加死版
5. 仲話可以自選外觀版面, 展現獨特風格！但係Yahoo Blog有幾多野比人揀, 絕對靚唔過自己入語法囉
以下係Yahoo講到明, 升級後部份資料將不會保留到全新平台:
1. 現有用戶需要重設暱稱(現有綽號)及個人照片，其它資料如自我介紹、性別、生日等則不再保留
2. 升級後，原有每篇文章中的「心情」、「相關BLOG友」及「重要事件」設定將會不再適用
3. 升級後，現有用戶需要重設自己BLOG標題、簡介及標題背景圖片，而其他標題設定則不再適用
4. 升級後，新平台將不再提供「昨日人次」及「今日瀏覽」的紀錄
5. 升級後，現有用戶的「自定欄位」，如音樂播放器或已插入的影片，又或者「組件」如書籤等設定亦將不再適用
等等....等等.....百害而無一利的新平台
學王祖藍話齋, 我真係完全接受唔到囉!
Yahoo仲話, 如果宜家唔升級, 將來都會強行升級
有d志同道合既Blogger話:
世界在不斷進步，這裡卻倒退......
係downgrade版......
Yahoo Blog越搞越衰......
我覺得佢擺明係唯恐天下不亂!
宜家好多人投訴, 去yahoo小編度留言反對強制升級....
如果佢最終都係強行同我升級的話, 我所有既心血就會被剷清, 只留下文字及圖片保留到新平台!
到時我就會轉台, 去另一個新天地玩, 與Yahoo Blog從此斷絕!
其實我都有玩開微博, 不過呢度先至係Moecca既天地
但係事到如今, 唯有迫我放棄唒昔日既文章, 然後跳槽!
唉, 無眼睇喇!
我要用"Print Screen" save番我既心血, 作為紀念!
因為每一個小部份, 小插件, 底圖, 背景......等等
都係經過好努力學習同研究d語法先至整到出黎既.....
我真係好唔捨得呀!
Yahoo......我憎死你......
:)
:(
;)
:D
:-/
:x
:P
:-*
=((
:-O
X(
:7
B-)
#:-S
:((
:))
=))
:-B
:-c
:)]
~X(
:-h
I-)
=D7
@-)
:-w
7:P
2):)
:!!
\m/
:-q
:-bd
^#(^
在下已升級，可以用表情符號。
回覆刪除[版主回覆07/31/2011 11:30:00]咁可能淨係回應欄無喇
老虎的無情...令我..無言、無奈！
回覆刪除[版主回覆07/31/2011 11:37:00]佢完全係無民主地將我地既心血剷清
我都有睇過其他人既新blog 真係完全接受吾到
回覆刪除又吾夠宜家果個咁令 又咩都冇晒 咁有咩好啊 我誓死用舊版用到最後
但係我想問下佢會吾會幫我地將之前既blog搬去新blog到
[版主回覆07/31/2011 11:36:00]文章會自動搬唒去新平台既, 不過都好無隱, 又唔靚, 又無colour, 我d文章又有gif小圖又有分隔線....都唔知佢show唔show到出黎
超唔想升級... 升級後 我D欄位亂曬~!!!!!
回覆刪除[版主回覆08/01/2011 09:43:00]你升左喇? downgrade版真係好廢架...可惡
唉，我係肉隨 jumb板上。
回覆刪除[版主回覆08/07/2011 10:38:00]無計啦, yahoo咁卑鄙迫人downgrade
我是剛中了明升暗降招的大隻仔, 絶對同意新blog沒舊blog好, 板面選擇少又唔靚,還cut了好多funtion,郤添了好多限制!!!表情符號只可在文章中出現,回應欄嗎, 欠俸! 暈啦.
回覆刪除[版主回覆08/07/2011 10:37:00]絕對是新不如舊喇
(Empty)
回覆刪除祝您 中秋節 快樂 !
回覆刪除