從前, 我就好似粒金莎, 無意間跌左落凡間......
唔好以為養我好容易, 以為執到寶, 其實你地通通中計, 比我童年可愛既神情欺騙左,
今時今日既我再唔係小天使, 我已經踏上成魔之路~~~
你地想去街? 想掉低我? 無咁易....
你地一去街我就大叫, 等管理處知道你地獨留兒童在家, 到時佢就即call你地番黎陪我
(試過幾次收到管理處電話, 話有人投訴隻狗猛吠, 要即係趕番屋企)
去街夜一夜都仲未捨得番黎? 可惡呀, 咇d尿落你張床度, 等你番黎抺餐死,
唔好打我呀, 要怪就怪你地掉低我.... 一路抺尿, 一路反醒下啦
平時返到屋企一打開門, 你地好即刻Sit響度喇, 如果唔係我點"Lam"到你地呀, 生得大隻過我咁多, 巨型犬組黎架?!
食完飯好拿拿聲同我抺咀, 否則我九秒九跑去你張床度抺, 整污糟唔好怨我呀
抓爛左張床單咪買過張新囉, 好少事姐, 唔好阻住我玩呀, 我宜家仲興奮過索K......
我無堅不摧, 唔好諗住蝦我呀, 我"太皇太后"呢個朵唔係流架, 逆我者......屎!!
你地成日話我吠, 其實我係度學Eminem Rap緊歌呀, 唔識野
yo...yo...i am the queen of the world....raf...raf....i need to vent human stupidity....wol...wol...
你地唔洗成日照鏡喇, 響我眼中, 你地個個都係一樣樣
(來猜猜鏡中的人是誰? 答案在本篇完結後公佈
)仲咁得閒睇電視? 搓好個ball未呀?
將來我返上天堂的話, 你地要紀念我架, 仲唔爽D手, 死懶鬼
你地要慳D, 一分一毫都要洗響我身上, 你地著靚衫化靚妝.... 我完全唔識欣賞
零食櫃要常滿, 唔好咁孤寒, 大大支唔洗分兩次比, 我要一次過食先有口感
唔好帶我去狗鋪沖涼剪毛呀, 女妖強行拔我耳仔毛架, 又剪到我損手爛腳
你地要親自幫我剪, 最多剪得唔靚我就唔照鏡
貓貓:『呢個人類都算淒涼囉, 7年黎, 過著奴僕般的生活, 終生不得解放, 直到任何一方先返回天堂為止 』
(鏡中人答案是: 杜文澤)
:)
:(
;)
:D
:-/
:x
:P
:-*
=((
:-O
X(
:7
B-)
#:-S
:((
:))
=))
:-B
:-c
:)]
~X(
:-h
I-)
=D7
@-)
:-w
7:P
2):)
:!!
\m/
:-q
:-bd
^#(^
小白：嘩!! 冇見咁耐，諗唔到Moecca 你...爆炸力驚人...如果比著我一定比主主打到 2 跳 4 lor....^0^..你好勁呀~~~
回覆刪除[版主回覆10/29/2011 10:18:17]一睇小白個乖樣, 就知小白係小天使黎架啦, 點會咁衰咬爛野, 主主你憂想打我...kakaka
我隻狗又好鐘意到處咬壞東西呢,你知不知有甚麼方法可以有效幫狗仔去牙石呢??~~~~ '''''''''' ~~~~ 我更新了自己的手繪漫畫 , 有時間黎我個BLOG參觀一下呢 !! ~~~~ '''''''''
回覆刪除[溫日繪回覆11/01/2011 23:08:58]一隻芝娃娃~ 一隻史立莎~ 一隻黃金x犬 , 大中細齊晒~~xd
[版主回覆11/01/2011 09:29:14]你果隻係咩品種??
[溫日繪回覆10/29/2011 20:40:12]唔寵都愛咬架啦~~ 我怕有日養左隻兔仔比佢地玩死~~HAHA
[版主回覆10/29/2011 10:16:09]係咪被寵壞的狗都鍾意咬野呢?!!!! 想引人注意^^
Moecca我地終於搵反你啦^_^Moecca你真係好勁啊,果然"你不仁,我不義"
回覆刪除[版主回覆10/29/2011 10:12:42]係呀, 好開心大家重逢喇! 可能魔卡對我地好不滿, 要發洩出黎...haha
Moecca
回覆刪除來探探您^^
[版主回覆10/30/2011 12:42:46]多謝光臨:)
(鏡中人答案是: 杜文澤)……未睇都知^^
回覆刪除[版主回覆10/30/2011 12:42:17]多數都估到, 但都有人估錯XoX"
moecca你ge力量勁過毛之家3個加埋ge威力^__^
回覆刪除[版主回覆10/31/2011 09:29:19]我係破壞王No.1....wakakaka
Happy Halloween (◕‿-｡)........
回覆刪除[❤ 小白 ❤回覆11/01/2011 22:19:49]good night la..天使~魔卡
Wow！Moecca 真係睇你唔出wor！Sorry 我真係一路睇一路笑，但你亞媽...唔知會唔會一路寫一路喊 Wakakaka！
回覆刪除[版主回覆11/12/2011 09:44:22]佢呢種頑劣既性格, 我地全家都習慣左; moecca每日唔比人鬧過都唔安樂, 佢好鍾意挑戰我地hahaha... 反而佢一靜落黎, 我地就驚, 驚佢可能唔舒服, 凍親, 抝柴......