番禺之旅

生日溜溜去邊好?

上年就去左摸海豚, 今年都要摸下班動物先得

一於去番禺長隆野生動物世界啦


我地自己買Package去, 原本打算住長隆酒店, 點知full唒

個職員又好好心機, 同我地講話星河灣酒店仲靚, 都係5星級, 仲即刻上網search酒店D相比我地睇

一睇, 又真係唔錯咁喎, 一於住呢間, 有埋Buffet早餐, 再買埋馬戲團入場劵同野生動物世界入場劵, 搞掂 Yeah~

26NOV出發...

第1日, 坐直通車直達番禺星河灣酒店

第1時間Check-in先

大堂Lobby

21/F 大堂 (最高23/F)

放煙頭都掃上酒店Logo, 好靚

呢間就係我地入住既行政套房喇, 好大好靚, 我一見到就好興奮喇

景觀又如何?

睇到日出架

個廁所都好靚架

我已經買定包薰衣草海鹽黎浸浴喇, 仲有部電視仔, 可以睇TVB架

落去周圍睇下有咩玩先....

健身室

室外泳池

得行李一個人.....

室內泳池

得我一個人.....

夜晚去睇馬戲團

我地差不多開場先到, 由於冇畫位既, 所以遲去霸位既人就坐到好遠

馬戲表演真係好精彩, 有好多估唔到既驚喜, 最令人目瞪口呆既係......

熊人竟然識自己揸 - 電單車

入夜後既星河灣

27NOV

第2日, 食埋早餐, 出發去長隆野生動物世界

佢地似足動物紀錄片果D咁, 好機警咁伸長條頸四圍望

花果山

呢班馬騮等人拋野比佢地食, 有D跳埋落水, 行近班遊客

呢班熊貓活潑好動, 碌來碌去, 又玩打交...... 海洋公園果隻長期唔郁架

袋鼠

太多動物, 不能盡錄.....

我覺得佢地生活響呢度都好開心, 地方又夠大, 好寫意

玩左兩日, 都好滿意, 對住班馬騮仔非常開心, 又可以餵長頸鹿, 我仲偷偷摸左佢塊臉幾下潻呀

酒店好靚, 間房又舒服, D職員仲襯我地夜晚出左去睇馬戲團既時候, 偷偷入左我地間房,

留低左張紀念卡同兩粒白朱古力, 又執番整齊間房, 我地一番黎見到又真係好surprise, 真係無得彈

不過我就真係唔多鍾意D大陸人既文化: 咩都搶, 咩都爭, 又推又拱, 整到人又扮傻, 唔睇路又打橫行.....

最離譜就係, 響動物園裡面, 明明就有好多廁所, 但係呢班人可能以為自己班仔女係野生動物,

響園內人來人往既地方以及路中央, 四圍痾尿, 有D好似痾屎潻

見完一個痾, 行無耐又第2個痾....第3個.....

其實附近有好多廁所架喎

佢地篤尿仲一路痾, 一路四圍流, 我地即時彈開九里遠,

有個阿媽仲變態, 佢一定係嚴重變態果隻....

因為佢襯佢個野生小孩響地下痾緊尿時 - 影相

簡直係國家既恥辱

非常羞恥