消除口臭

上次買過一支PetzLife既Oral Care Gel比Moecca搽牙仔,

除牙石之餘, 仲防口臭.....

但用左幾次之後, 就無再搽

原因係: Moecca好唔鍾意果陣清新既薄荷味, 而且有少少"拿"

總之就好抗拒

而我地又唔想勉強去做啲Moecca唔鍾意既事, 因此唯有將支野擱置




但係, Moecca始終係有口臭, 雖然我都好鍾意聞呢陣"霉霉的氣味" (哈哈, 真係愛到如此地步)

不過牙肉唔健康, 都會對身體有影響

於是, 我又去嘗試搵替代品

今次去pet shop, sales介紹下面呢支藥水

只須要滴兩茶匙落樽水度, 就可以消除口臭

仲話係無色, 無味

不過.... 我呢隻白老鼠試過, 都係有少少薄荷味, 仲會潛伏響個口度唔散既

所以我只係落1茶匙, 渾入Moecca支500ml水入面

Moecca好快發現支水有異樣, 飲幾啖就算

但後來可能習慣左, 勉強都照飲

細姐, 你埋黎聞下係咪無咁臭?!

觀察左兩星期左右, 的而且確係無咁臭喎

不過除牙石就唔係好明顯

另外, 我都有買不同種類既硬骨比Moecca食, 牙石方面係有改善的

上面張相可以見到佢隻犬齒都OK乾淨啦

唯獨是門牙內面果度可能咬唔到骨, 因此果個位仲係有牙石

Moecca, 咬豆沙餅無用架, 越食棚牙就會越污遭架

另外想提一提, 之前Moecca食開隻MC關節丸

真係好似仙丹咁勁

由於我老婆 (年紀大, 被榮升做老婆婆, 簡稱老婆....哈哈) 有時訓醒會腳仔拐拐

早前keep住早晚食, 好快就健步如飛

到宜家都唔須要日日食

但有時可能食得太飽, 到夜晚會有少少拐

我就會即刻餵佢食一粒

Moecca見到粒藥, 可能知道係好野, 可以醫治佢, 就好似心臟病發既人咁

拿拿林食左粒藥, 唔通真係咁好食?!

食完無幾耐, 又開始扎扎跳

所以我話呢粒藥係仙丹

腳仔拐拐果陣時個樣好慘咁

但一食完藥, 即刻又生猛唒

所以阿媽成日話Moecca扮腳痛, 博人錫....哈哈