團年飯

同屋企人一年一度既團年飯

家姐提意去三聖"容龍海鮮酒家"

去得三聖食海鮮, 例牌都要去買料比人加工

買完仲要行十分鐘先到

 

聽朋友講, 早前響大阪買左呢支佢每晚都要飲既黑糖梅酒黎試試,

才發覺, 原來呢位朋友都好受得甜.....

 

我要加粒冰先至沖淡少少呢種咁甜既酒

 

整好喇, 第一味: 龍鬚

第二味: 炸芝士龍蝦

 

第三味: 焗筒蠔

隻隻都咁大咁肥, 想食多幾隻但個肚頂唔順呀

 

大扇貝, 用葡汁焗, 真係夠特別

瀨尿卡滾湯,  成隻異型咁

 

唯一呢碟唔係自己買黎既, 係容龍既招牌菜

蟹+排骨+糯米飯

隻蟹入唒味, 啲糯米飯好似食緊公仔點心果啲珍珠雞咁

綠色既係蟹膏

 

其實食完第二碟芝士龍蝦之後, 已經有飽肚既感覺, 

之後再食埋其他, 直程覺得已經塞唔落

結果你推我讓之下, 當然要行李同姐夫作最後衝刺

而糯米飯就緊係打包啦

 

 

呢間容龍海鮮酒家, 出名其實係因為貴

 

佢既加工費比人貴成倍, 不過, 大時大節, 試下又無妨

 

整得都幾特別既

 

 

海鮮料: $1200, 加工: $1800, 剛好$3000

 

仲唔係妹仔大過主人婆