Happy Lunar New Year

轉眼間又一年

 今個蛇年過得特別快, 可能工作實在太忙...

踏入馬年, 希望可以過番啲悠閒既生活

而Moecca永遠都係最令人羨慕既一個

個個同事都話寧願做Moecca, 飯來張口, 又唔駛做, 又唔憂食...

有一日, 我話比媽媽知: 『Moecca個眼白好白架, 無紅筋架』

 

媽媽話: 『緊係啦, 佢又唔駛返工, 眼訓就訓, 點會有紅筋呀!』

馬年都希望Moecca繼續享受佢既幸福人生啦

今個新年去左荃灣行花市, 有好多吉呀

屋企就貼下揮春, 之前響大阪買既兔仔掛飾, 我將佢掛左上棧橙度,

睇落好有BB床Feel

加埋隻有公仔既糖果兜, 等阿哥個囡黎到又食又拎

仲唔冧死小朋友

禮品買齊

大姐買花膠送比爸爸, 

爸爸即刻整左煲"木瓜雪耳花膠燉鮮奶"比佢嘆

大年初一, 為免Moecca獨留在家做孤獨老卡,

所以決定帶埋佢去姐夫屋企拜年  

逗埋大姐封利是先, 

Moecca每年都第一時間搶利是, 繼而啲錢就會有個小洞

因為佢咬穿左

好喇, 好喇, 玩完纏綿遊戲, 要出發去拜年喇

比風吹到成個阿夢咁

呢隻惡霸, 去到人地屋企, 都仲要繼續橫行霸道,

莫講話想摸下佢, 就連人地望下佢, 都起勢咁吠人

有3個小朋友黎左玩一陣, 人地自己都有養狗, 諗住坐響佢隔離同佢玩,

點知佢火箭咁衝埋去, 作狀咬人, 即係用啲咀咀毛掂下人地隻手,

再加埋一口臭氣噴人, 小朋友嚇到彈起, 

Moecca就以為自己好威

後尾遇到個人中之極, 就係姐夫個阿哥, 絕不向惡勢力低頭,

仲凶番Moecca轉頭, 亦由得佢用啲咀咀毛"吉"佢, 噴埋一口臭氣都毫無謂懼

Moecca戰敗, 心靈受創, 搵大姐抱番

由始可見, 原來我地已經寵到Moecca咁壞

開飯喇

姐夫爸爸係廚師, 每次黎食飯都好開心, 佢煮既食物有益又健康,

仲有兜糯米飯, 係我食過最好食既, 可能因為我掛住食, 

無時間再同糯米飯影番張相,

 

年初二, 去奶奶度拜年

老爺都好好心機, 煮左好多餸

而我奶奶最叻就係煲湯, 同埋整蘿蔔糕,

每年我屋企人都會好期待奶奶既蘿蔔糕, 因為又係前所未有咁好食

奶奶煲湯會落勁多亁瑤柱, 令到啲湯好甜, 好濃郁

拎左兩底蘿蔔糕, 一底我同行李, 一底係比爸爸媽媽既

本年度破天荒整埋年糕, 賣相一流

奶奶好客氣, 買埋賀年禮品比爸爸媽媽

所以新年先至係最開心既節日,

因為可以幾家人一齊過, 仲有好豐富既住家飯呢