東京第一天: 羽田空港, 河口湖

今次係第3次去日本, 機票酒店分開買, 自己搵資料...... 

(其實係KaKa一個人搞唒, Yeah)

我地坐ANA全日空, 羽田機場著陸, 因為羽田機場好近市區, 半小時就到架喇

零晨5:30到達

一離開機場, 走到室外, feel到好似好凍, 但係啲羽絨仲響個喼入面, 又要趕住買車票, 唔得閒開喼, 同果位日本站長溝通都花費左10分鐘, 佢都算好心, 用手機寫日文, 再translate做英文比我地睇, 但係另一方面, 又覺得佢好煩, 其實我地淨係想買張車票去河口湖啫, 咁咪比張紙佢睇話想去呢度, 想買車票囉, 點知佢個translate既意思係寫住: 這張紙不代表車票, 不等於付了錢!

溝通左幾次, 再睇左幾次佢既translate都係咁上下意思, 真係人都癲, 又鬼咁凍, 之後我直頭拎張錢紙出黎, 再表明我係想買車票, 去邊度買呢? 佢先至明白原來我要買車票

於是日本站長手指一伸, 原來講左10分鐘, 部機就響我地後面, 仲以為長途車係人手賣車票, 點知原來咁方便

雞同鴨講完一輪, 仲有5分鐘就有車, 如果趕唔到, 下一班會係10:30架, 好彩最後關頭, 日本站長終於指點到我地迷津咋

羽田空港 -->富士山駅 --> 河口湖駅

我地既目的地係河口湖駅, 呢間係資訊中心, 提供很多地圖, 歡迎索取

 河口湖駅內有得寄存行李, 每件300円, 放到夜晚10:30

地下仲有雪, 到底有幾凍呢??

我地放底左2件行李, 四圍行, 終於睇到幾多度喇

越行越入, 行到河口湖了

天寒地凍, 只有少數人租水上鴨鴨玩

呢度可以坐纜車, 上去天上山公園睇富士山 

一架纜車, 塞得幾多就幾多, 無位坐, 好彩2分鐘就上到

唔知係雲定大霧呢, 咩都睇唔到

原本呢度係欣賞富士山既好地方, 因為夠高, 可惜......

今日呢個天氣, 係絕對睇唔到既

呢度每間餐廳都係面向河口湖, 環境平靜

食飽又行下, 由於不知不覺行得太入, 想搭車出番去河口湖駅拎番2件行李check-in, 但係等左一陣車, 又驚住會等好耐都無, 於是繼續向酒店方向行, 行左20分鐘, 可能唔止, 終於見到我地酒店個路牌喇

MIZUNO HOTEL

一轉個彎, 見到咁似濛豬既

摸下先

千里召召, 終於都行到喇

今晚就響呢度住一晚, 眺望富士山既景色

歡迎牌寫左我個名, 好sweet, 不過無寫KaKa個名

酒店大堂好特別, 佈置都有別於一般酒店

酒店隨處都有些精緻的小擺設

一入到房, 見到有2張床, 好開心

因為日本酒店一向都極細

有個露台, 不過......都係室內有暖氣好啲既

今日呢種天氣, 我只能夠幻想一下, 到底富士山有幾高呢?!

疲於奔命, 訓左15分鐘, 又約左酒店司機出番去河口湖駅, 拎番2件行李返黎

再返回酒店, 無理由咁早訓架 (雖然已經極眼訓)

我地問酒店借單車, 再四圍去睇下

原本附近有個美術館, 我已經盡量踩, 希望趕得到4:30到, 因為佢5:00關門

但係, 去到都差不多5:00喇, 所以無入去lu

突然一大片雪地

呢度地方都好大, 好彩有架單車代步

坑渠蓋都好靚喎

太陽落山喇, 今晚早啲訓, 聽日要去富士急遊樂場呀