東京第五天: 台場, 銀座

今日要去遠少少既台場, 例牌一早起身, 準備出發

酒店附近有個廟, 每朝早都會經過, 不過之前天陰陰, 所以無特別留意

呢間MiniShop響酒店附近,

如果我地朝早食唔切早餐, 就會去買啲飯團食 

我地先坐地鐵去到新橋駅, 之後要再轉一架無人駕駛, 先會去到台場

響下面呢間位於新橋駅既商店, 幫朋友搵到佢想要既娥羅納英,

於是買左2盒, 每盒780円, 由於今日既行程只係剛剛開始, 所以我就背住呢兩盒野走足全日, 其實都無所謂, 因為驚其他地方無得買, 

咁見到有就幫佢買左先, 但最慘係, 

後來我響第二度見到佢只係賣五百幾円, 

即係我差不多買貴左200円一盒, 仲要背住成日, 條氣有啲唔順囉, 

所以突登要post呢張相出黎, 等大家認住呢間shop, black list佢

呢架就係搭去台場既無人駕駛

如果單程去台場站, 每人都要380円, 咁KaKa又安排左去多一個神秘地方, 

所以我地買左一日劵, 每人820円, 可以全日任搭呢架無人駕駛喇

轉埋呢個大彎, 差不多就到達神秘地方

到底我會去邊度玩呢??

原來係去"宗谷號", 即係由木村拓哉主演果套{南極大陸}

我有睇喎, 咁啱哂啦, 起碼知道呢架船既由來, 同埋係咩黎

先去展覽館兜個圈

準備登船喇, 仲緊張過上飛機

船艙內既房間都佈置成當時既場景

由於"宗谷號"係當時日本第一架成功登陸南極既船, 

而當中亦有好多成員既犧牲, 包括雪橇犬....所以一切都好有紀念價值

點解呢舊南極之冰可以保存至今既

劇集都有講呢兩兄弟, 因為當時有班成員響南極遇上大風雪, 

迷路被困, 而全靠佢兩兄弟在寒流中尋找呢班成員,  

最後成功拯救番佢地, 安全歸隊

下面係成架船唯一可以對外通訊既房間

去到上層, 就係船長既地方

上返去船頭, 由於天氣都幾凍, 我就幻想下......

宜家已經到左南極喇

登陸lu....

不過唔係南極, 係東京既台場

搭無人駕駛番轉頭, 一個站就到

點解咁多地方都有美國既自由神像呢? 

上次去關島見到有都唔出奇吖, 因為美國統治左關島,

但係, 呢度東京黎架喎

KaKa突然話: 彩虹橋呀!

我即時諗, 係咪小狗小貓死左會去果條彩虹橋呀?

原來呢條橋, 都係叫彩虹橋架

台場有幾個超級巨型既商場, 真係一日都行唔唒

先食個豐富午餐, 唔係點夠Energy行街

一個價錢, 食物任食, 但原來又唔係任飲架喎, 咁唯有加錢任飲啦

大人任食, 每人1834円, 任飲每人214円

食飽要去室外呼吸一下清新空氣, 響商場一出黎, 經過呢條小橋,

就可以直落沙灘

日本好好架, 所有公眾地方, 包括沙灘, 都Welcome比狗狗入架

又見到隻小肥柴

呢架灰色咁型既係觀光船

行番入去商場, 有CocaCola專門店, 不過無咩好買

Disney Store

下面呢部係電話充電機, 比錢後, 放部電話入去黑色箱入面, 就會lock住, 

唔怕比人偷, 差不多時候就可以黎拎番, 都幾安全又方便

呢間商店寫住Duty Free, 之前咪講過有啲店鋪要買滿10800円先可以退稅既, 

呢間就係喇, 不過我地買唔夠, 冇得退

其實今日黎台場既主要目的, 係咪就係為左呢隻巨型高達呢?

佢定時定候會有亮燈儀式, 播唒歌, 而高達個頭就會向左, 向右, 同向上郁

睇完高達, 行過隔離商場, 經過呢個車展

再過隔離係"教會廣場"

(呢度真係好大, 無止竟咁不斷行, 不斷都有商場, 仲有唔同既場景)

由朝行到晚, 離開台埸喇

出番去新橋駅, 隔離就係銀座

博品館專賣卡通公仔模型玩具

由於我地位置響中間, 向左就行去車站, 向右就行去銀座,

但如果行去車站, 可能都要10~15分鐘, 仲要坐一個站先去到銀座, 

當中又要上上落落, 又迫人, 所以我地選擇左行路

日本既大直路, 真係好壯觀, 因為真係好直, 仲好無止境, 當你直望到盡頭,

 其實都係未完架, 只係地球彎左落去, 水平線望唔到咋

到底九里遠行過黎做咩? 咪就係搵我想買既BaoBao袋囉,

第一次去過東京駅既專門店, 無我想要既顏色,

今次行到黎銀座既專門店, 點知行到九里遠, 都搵唔到間舖既,

但係睇過地址同我地企既位置, 係正確架喎,

咁KaKa做過research, 話附近仲有個商場, 入面都有佢間舖,

如是者, 行到筋疲力盡既我地, 再作最後衝刺, 搵埋呢一間,

最終, 我去到間shop, 見到既, 係一間只有空空層架既店鋪,

其中一個層架上, 放左一千零一個超迷你既綠色小型袋

唉, 好唔開心, 山長水遠行到黎, 又係得個吉,

咁唯有返歸啦, 攰到無命喇 

返酒店之前, 再去MiniShop買個宵夜食

臨尾仲要再講呀, 我全日係背住兩盒娥羅納英行街, 仲要抽住上面既戰利品架吓