新加坡之旅 ~ Day 1

Plan左差不多半年既行程, 終於都出發了

今次拋開日本, 近近地去轉新加坡

國泰附近有個自助行李磅, 唔駛等到check-in時才發現行李超重

順便企埋個人上去, 磅下自己幾重

由於無一早劃定位, 去到機場check-in時同地勤講希望坐前啲

睇到boarding pass寫第43行, 已經覺得好後, 點知一上到機

一入機門, 行前兩步就到, 前面仲係幅牆, 無野頂腳

真係錯有錯著呀

 

國泰零晨機無飛機(熱)餐, 只係得一盒蛋糕仔同紙包飲品

坐左3~4小時, 準時到達

新加坡機場

好容易就搵到Ground Transport Desk

買Shuttle Bus Tickets直達酒店

SGD9.00/人, 又快又方便

去緊酒店途中都仲未天光

20分鐘車程就黎到我地既酒店

Innotel Hotel

好彩既係佢地咁早已經可以比我地check-in上房

我地選擇2張床既房, 就算唔分開訓, 都可以多張床擺下野

既然咁早, 等我卷埋自己訓陣覺先

(因為坐零晨機果陣都無點訓過, 所以極眼訓)

訓左一陣, 精神左好多, 係時候出發了

(好似訓左好耐咁, 但其實只係2小時)

房內有個制可以按下需要執房或不需要執房的燈

清潔人員在門外就可以看見

選擇Innotel Hotel既最大原因係佢好近地鐵站, 行2~3分鐘就到

而且仲係3個主要線路既車站, 即係唔駛轉地鐵線

方便直接

第一站要去牛車水(China Town)

因為要去美秀旅行社買唒咁多日既入場卷

一出地鐵, 第一眼見到呢度, 好似返左大陸咁

美秀旅行社響珍珠城, 但我地又入左去珍珠坊

比佢地個名混淆左, 所以搵左好耐先搵到

佢賣入埸卷比其他地方都平, 所以同事都推薦我搵佢買

買完入場卷, 行過呢間Coffee168, 見到有喇沙麵

緊係要試番碗啦

呢個係散叫餸既飯, 任你叫幾多個餸, 應該係逐個餸計錢既

實收幾多錢一個餸就唔係好知佢點計喇

呢個喇沙真係好好好好味呀

呢條街既酒店係好多香港人同國內人住既

新加坡都有日本既100円DAISO店

不過呢度係SGD2.00

呢間係手信店, 賣既野好平, 不過質量就麻麻地

下面呢間Lolly係賣Handmade 糖既

佢地係整完一條長長既糖, 再切一粒粒入樽/入袋

有cream既卷蛋斑蘭蛋糕, 睇個樣好似好好食

但係食落去..... 真係一般般

響新加坡, 最常見就係呢隻"開口鳥"

而麻雀, 白鴿, 貓貓狗狗, 我都無見過, 連蚊都好似無乜

小孩都好少見到, 聽聞佢地平日係唔出街既

我地響美秀買左下面列入場卷:

環球影城 $60 x 2

Cove Water World (水上樂園) $20 x 2

3D Alive Museum $16 x 2

Garden by the Bay $18 x 2

夜晚去魚尾獅公園

~~ 第一日完結 ~~