今日第二日, 主要去環球影城同水上樂園
去旅行選擇平日係因為少人, 唔駛迫, 唔駛排隊
我地坐左幾個地鐵站, 之後轉架RWS8 shuttle bus入Sentosa(聖淘沙)
SGD2.00/人, 好抵
巴士站都只係得一個人排緊隊, VERY GOOD
坐左15分鐘車程就到達Sentosa
相比起大阪既環球影城, 新加坡呢度既人流可能只係佢既十分之一
我地租左一個locker, 都幾貴, 一隔細既都要SGD15.00
一入到場, 即刻潮向變型金剛進發
宜家仲係10:00am, 現場非常少人
只有十幾人排隊, 真係前所未有, 好快就有得玩
變型金剛真係剌激, 好彩少人唔駛排長龍等2小時
如果唔係實放棄唔玩
向前行黎到MUMMY
經過恐龍村, 玩左呢個小朋友都唔驚既過山車
好幾快速, 幾刺激
黎到史力加世界喇
入去睇下3D劇場先, 呢度等左大約15分鐘
時間剛剛好, 輪到Puss in Boots出場
睇完劇場, 即刻排隊同佢地合照
SHREK既手信店, 彊餅人係最受歡迎既
再黎MADAGASCAR
排隊既地方空空如也, 感覺極好
坐船仔入去睇
最後一幕突然有陣強烈怪風+巨響噴出來
本人既本能反應, 就好似下面呢幅圖咁
(第3行長髮捭臉果位....哈哈)
玩左咁耐, 醫下個肚先
我地去左環球影城裡面呢間有中國feel既餐廳
(因為唔想食漢堡包)
中國餐廳, 竟然有天使麵, 即刻決定叫呢個
間餐廳好大, 下面呢張相只係佢既一半
咁人呢..... 只係得幾張台有人坐
所以今日真係好開心, 好難得咁少人
比我地用最少既時間玩到咁多樣野
唔駛迫, 實在太好了
玩到3點幾, 係時候走了!
行過隔離就係水上樂園, 佢地收6點, 所以我地有2小時游下水
黎到水上樂園, 租locker又係要比錢
SGD10.00/細locker (夠2人: 2袋2鞋)
(入場費每人都係SGD20.00, 租locker都要收SGD10.00, 有啲過份)
行左成日, 對腳好攰好攰,
而浸響呢條水道, 就可以穿過去入面玩sir滑梯,
唔駛行路, 真係覺得特別舒服
掛住玩水, 都無帶相機入去
呢幾張相都係最後衝衝忙忙去番locker執野時補影的
至於所有大型sir滑梯, 我地都有玩,
特別提下個人造浪, 真係好好玩
係一個會玩到笑騎騎既水上活動!
P.S. 我地坐番RWS8 shuttle bus出番地鐵站, 司機話唔收我地錢
可能由Sentosa出番去係免費的
~~ 第二天完結 ~~
沒有留言:
張貼留言